Schweizer Stammtisch, der erste

[TheBiber]

Ich chan mit dem Kunstfilm-Zügs eifach hinne und vorne nüd afange usser iischlafe, was findet ihr a dene eigentlich ständig?

Du bisch demfall au nomal en Luzerner? Wärsch du au amene Träffe debi?

[Mister Brightside]

Jo, es ged serig ond serig... ond ech ben halt e so eine ond du so eine. Esch jo ganz klar.

Wägem Träffe weisi halt ned, ben jo normolerwiis en usbuechte Mönsch ond so, aber jetzt grad esch mini Fröndin ede Ferie ond osserd chli go schäfferle hani nüt z'tue.
Je nochdem wo ond wänn chönntis mer amu scho vorschtelle, vörbii z'schneie. ^_~

[edit] Jetzt hani grad of de erschte Siite gläse, dasser eigendlech en Träff z'Lozärn hetted welle dörefüere... wel ech jo do ed Schuel gohne, wär das för mech au am beschte.
Allerdengs schaff ech en Zöri, was mer vo dem her au ned onbekannt esch (Bahnhof bes Paradeplatz, natürlech au s'Nederdörfli ond Bellevue, de Rescht wär Neuland för mech).
Aber gebörtig ond em Herze beni Zoger ond drom wäri jo förnes Träffe e dere wonderschöne Mini-Stadt z'ha - so fortschrettlech wie Zöri, aber so kultiviert ond suuber wie Lozärn medere einmalige Heimeligkeit (bedengt dör knapp 20'000 Iiwohner)

Vellecht chönntemer aber au mol chli es Land use...? Zom Bispell en Community-Träff ofem Board ofem Sattel oder z'Melchsee-Frutt.

Wäred jo au alles ganz tolli Idee.

[TheBiber]

Ufs Board gangi nöd, für das hani Schii!
Nur leider isch so öpis bereits rächt tüür, ich wär meh so füren Träff inere Stadt.

In letschter Ziit stiigt Zahl vode Schwiizer glücklicherwiis wider.
Also zur Uswahl stönd: Züri, Luzern, Zug. Wer wär für weli Stadt und was wär es geignets Datum? Ich wär mal so sporadisch für November. Sölled sich mal alli mälde, wo au wennd cho.

[Mister Brightside]

ZOOO~OOG!!

^^

[Amaurosis fugax]

ich bin begeistert von marie-antoinette... wirklich schoener film, grossartiger soundtrack. sofia coppola ist eh toll..

[Mister Brightside]

ich bin begeistert von marie-antoinette... wirklich schoener film, grossartiger soundtrack. sofia coppola ist eh toll..

...

Den Film habe ich immernoch nicht ansehen können, aber ich werde ihn mir jetzt erst recht zu Gemüte führen, danke. Sofia Coppola ist genial, das stimmt.

[Drakes]

hier lauft ja nüt!
@topic:
ZUUUUUUUUUU.......uuuuuuG
mer muess ja au de tourismus atriebe (nei, viellicht chönnt ich denn sogar mal usnamswies cho)
jetzt isch aber au scho wieder fast endi November

[Rübe]

Pfff

1. Davos 19 / 42
2. Lakers 20 / 38
3. SC Bern 19 / 35
4. Genf 20 / 33
5. EV Zug 19 / 31

...

Rappi!!

[Drakes]

ALT!
1 HC Davos 20 15 5 66:46 20 45
2 Rapperswil-Jona 20 13 7 81:53 28 38
3 SC Bern 20 13 7 74:53 21 38
4 EV Zug 21 13 8 64:57 7 36
5 Genève Servette 21 11 10 72:75 -3 33
Ollééééé
nömm lang und mer händ euch überholt

[Rübe]

Hetsch gern, Lowbudget rult ^^.

[Digi Tai]

Was Drakes du kommst aus zug
komme ganz aus der nähe^^ unterägeri

[Mister Brightside]

Ou shit, Onderägeri... ganz Ägeri hed am Gebortstag vo minere Schwöschter i üse Garte passt, wersch wohl au debii gsy si.

[Drakes]

Blöds wetter und s'meiste wo mich nervt isch, dass ich weiss, dass es i Ägeri zur Ziet meistens schöner isch
Übrigens, ich wohne nöd in Zug sondern in Hühneberg, bald aber i Hagedorn wtf

[Paco]

ALT!
1 HC Davos 20 15 5 66:46 20 45
2 Rapperswil-Jona 20 13 7 81:53 28 38
3 SC Bern 20 13 7 74:53 21 38
4 EV Zug 21 13 8 64:57 7 36
5 Genève Servette 21 11 10 72:75 -3 33
Ollééééé
nömm lang und mer händ euch überholt

...

nix Rappi, nix EVZ. nono

KLOTEN!!!! wird Meister Jawohl! *wegrenn*

[Drakes]

Wie siehts bei euch mit der Wii aus? Ich werde sie mit der Post kriegen + 2 Nunchuck + 2 Remote mit einem Wii Play + Red Steel. Zelda TP hab ich schon hier liegen.

[Rübe]

Ich gang nachher schnäll in Manor, hammer eine reserviere lah. Naja, wird wahrschiinli keine ha, mir sind nöd Züri ^^.

[RPGherm]

Hi,

Sorry, bin zu faul, den Thread zu lesen und in meine Sproch zu übersetzen.. Wird hier zufällig ein CT in der Nordost-Schweiz geplant?

[Mister Brightside]

Vergiss das schnell wieder... zuerst kommt Zug dran!